قصّة أغنية "لحظة رجوعك" للفنانة "فرح يوسف"

أغنية "لحظة رجوعك" للفنانة السورية "فرح يوسف" من ألحان وتوزيع "يزن الصباغ" وكلمات "رامي كوسا".
وقد نشر الشاعر "رامي كوسا" منذ أيام عبر حسابه على موقع الفيس بوك قصّة كلمات هذه الأغنية للمرّة الأولى حيث كتب:

(اول مرة بعترف...
هي الغنية انكتبت عن أمّي وأبي
ماما كانت دايماً تشغّلنا متل خليّة نحل لما يرجع بابا من الشغل حامل كياس وغراض وعرقو ع جبينو..
تخلينا نركض ونساعدو وتستقبلو من الباب بكلمة "يعطيك العافية"
وأبي متل الغنية، يبقى يفوت عالبيت ومخبّي التعب ورى ضحكة ...

بتدخل عليي والتّعب / مخبّى ورا ضحكة(ي)
بركض عليك بعــانقك / بمسح عرق وجّـــك

من غير منط،ق أو سبب / بضحك أنا وببكي
وبصير بدّي ســــــابقَك / تَ قـــلّك بـــــحبّك

شكراً يزن وفرح).

كلمات كامل الأغنية

بوعى الصبح بكير وبصير بستناك
بردانة وبلاقي الدفا بلحظة رجوعك
كل ما سمعت دعسة حدا، بركض على الشباك
أوعى بوقتك ما تجي يا حلو، أوعك

بالبيت كل شي ناطرك، كل الدني ع خاطرك
ت كيف ما تروح وتجي تلاقي الجمال محاصرك

تدخل علي والتعب مخبى ورا ضحكك
بهجم عليك، بعانقك، بمسح عرق وجك
من غير منطق أو سبب بضحك أنا وببكي
وبصير بدي سابقك تـ قلك بحبك

بالبيت كل شي ناطرك، كل الدني ع خاطرك
تـ كيف ما تروح وتجي تلاقي الجمال محاصرك